नाशिक (इंडिया दर्पण वृत्तसेवा)- पाथर्डीरोडवरील तुळजा भवानी मंदिर भागात झालेल्या घरफोडीत चोरट्यांनी सुमारे ८१ हजाराच्या ऐवजावर डल्ला मारला. त्यात सोन्याचांदीच्या दागिण्यांचा समावेश आहे. याप्रकरणी इंदिरानगर पोलीस ठाण्यात घरफोडीचा गुन्हा दाखल करण्यात आला आहे.
उदयकुमार नविनभाई पारेख (रा.जय भवानी रो हाऊस नं.४ पाथर्डीगावरोड) यांनी फिर्याद दिली आहे. पारेख कुटुंबिय रविवारी (दि.९) बाहेरगावी गेले असता ही घटना घडली. अज्ञात चोरट्यांनी पारेख यांच्या बंद घराच्या छतावरील दरवाज्यातून प्रवेश करीत बेडरूममधील कपाटात ठेवलेले सोन्याचे बॅ्रसलेट आणि अंगठी असा सुमारे ८१ हजाराचा ऐवज चोरून नेला. अधिक तपास उपनिरीक्षक सोनार करीत आहेत.
