भाजप हा पक्ष लोकनेत्यांना संपवतो…रोहित पवार यांची अजितदादांना उद्देशून केलेली पोस्ट चर्चेत

इंडिया दर्पण ऑनलाईन डेस्क
राष्ट्रवादीच्या फुटीनंतर पवार विरुध्द पवार हा सामना रोज रंगतो. आजही राष्ट्रवादी शरद पवार गटाचे आमदार रोहित पवार यांनी अजित पवार यांना चिमटा काढला आहे. त्यात आज थेट अजितदादांना ‘भाजप हा पक्ष लोकनेत्यांना संपवतो’ हे आम्ही पहिल्यापासून सांगतोय असे म्हटले आहे.

रोहित पवार यांनी सोशल मीडियावर टाकलेल्या पोस्टमध्ये म्हटले आहे की, अजितदादांमुळं भाजपाने स्वतःची #ब्रॅण्ड_व्हॅल्यू संपवल्याची आधी ऑर्गनायझरमधून झालेली टीका… नंतर दहा वर्षे शांत झोपलेल्या कथित गांधींनी अचानक जागे होऊन शिखर बँक प्रकरणी अजितदादांच्या क्लिन चिट विरोधात न्यायालयात जाण्याची घेतलेली भूमिका.. आणि काल राज्यसभेचा अर्ज भरताना एकाही भाजपेयीची नसलेली उपस्थिती हा घटनाक्रम लक्षात घ्या..
Use_and_Throw ही भाजपाची प्रवृत्ती असून त्यानुसारच ते आज अजितदादांसोबत वागत आहेत, हा क्लिअर मेसेज आहे. ‘भाजप हा पक्ष लोकनेत्यांना संपवतो’ हे आम्ही पहिल्यापासून सांगतोय.