नाशिक (इंडिया दर्पण वृत्तसेवा) – जिल्ह्यातील मोठ्या व मध्यम अशा २४ प्रकल्पांमध्ये ११ जून अखेर ८.१४ टक्के साठा आहे. पावसाळ्यात बहुतांश धरणे ओव्हरफ्लो झाली होती. पण, काही धरणाचा पाणीसाठा कमीच होता. गेल्या पावसाळ्यापेक्षा जिल्ह्यातील धरणांचा पाणीसाठा १६ टक्के कमीच झाला होता. त्यात आता उन्हाळ्यात हा साठा ८.१४ टक्के झाला आहे.
मे महिना संपल्यानंतर जूनमध्ये पावसाने हजेरी लावण्यास सुरुवात झाली आहे. पाऊस सर्वत्र मुसळधार झाला तर पाण्याचा प्रश्न थोडा सुटेल. पण, जूनमध्ये सगळीकडे पाऊस होत नाही. त्यामुळे काही ठिकाणी तीव्र टंचाईचा सामना करावा लागणार आहे. राज्यातही हीच स्थिती आहे. नाशिक शहराला पाणीपुरवठा करणा-या गंगापूर धरणाचा साठा १९.४५ टक्के तर समुहात १७.०६ टक्के साठा आहे. तर जिल्ह्यातील बहुतांश धरणाची पातळी कमालीची खाली आली आहे.
![Screenshot 20240611 142037 Drive 1](https://indiadarpanlive.com/wp-content/uploads/2024/06/Screenshot_20240611-142037_Drive-1-681x1024.jpg)