नाशिक (इंडिया दर्पण वृत्तसेवा)– सिडकोतील अश्विननगर भागात भरदिवसा झालेल्या घरफोडीत चोरट्यांनी सुमारे २ लाख ६५ हजाराच्या ऐवजावर डल्ला मारला. त्यात सोन्याचादीच्या दागिण्यांचा समावेश आहे. याप्रकरणी अंबड पोलीस ठाण्यात घरफोडीचा गुन्हा दाखल करण्यात आला आहे.
श्रीतेज आत्माराम पाटील (रा.महिंद्र गेस्ट हाऊस जवळ,अश्विननगर) यांनी याबाबत फिर्याद दाखल केली आहे.
पाटील कुटूंबिय शुक्रवारी (दि.७) सकाळी कामानिमित्त घराबाहेर पडले असता ही घटना घडली. अज्ञात चोरट्यांनी पाटील यांच्या बंद बंगल्याच्या दरवाजाची बिजागरी तोडून ही चोरी केली. घरात शिरलेल्या चोरट्यानी बेडरूममधील कपाटात ठेवलेले सुमारे २ लाख ६५ हजार रूपये किमतीचे सोन्याचांदीचे दागिणे चोरून नेले. अधिक तपास वरिष्ठ निरीक्षक ठाकुर यांच्या मार्गदर्शनाखाली सुरू आहे.
…
