निफाड (इंडिया दर्पण वृत्तसेवा)- निफाड परिसरात रविवार सायंकाळी चार वाजेच्या सुमारास आलेल्या वादळी पावसामुळे मोठे नुकसान झाले असून नांदुर्डी, नांदूर मधमेश्वर, आणि डोंगरगाव अशा तीन ठिकाणी विजा कोसळल्यामुळे तीन गाईंचा मृत्यू झाल्याची दुर्दैवी घटना घडली आहे.
निफाड येथील तहसीलदार विशाल नाईकवाडे यांनी दिलेल्या माहितीनुसार निफाड परिसरात रविवार ९ जून रोजी सायंकाळी चार वाजेच्या सुमारास विजांच्या कडकडाटासह जोरदार पर्जन्यवृष्टी झाली. तालुक्यातील नांदूर मधमेश्वर , नांदुर्डी आणि डोंगरगाव अशा तीन गावांमध्ये विज पडल्याने तीन गाईंचा मृत्यू झाल्याची नोंद झाली आहे. रात्री आठ वाजे नंतर सुद्धा संपूर्ण परिसरात मुसळधार पावसाने हजेरी लावलेली होती.
