इंडिया दर्पण ऑनलाईन डेस्क
अमरावती : प्रियकर आणि प्रेयसीचे प्रेम हे अत्यंत पवित्र असेल तर त्यांचा प्रेम विवाह यशस्वी होतो. त्या नात्यांमध्ये विश्वास व जिव्हाळा तसेच एकमेकांना समजून घेणे हे देखील तितकेच महत्त्वाचे ठरते. मात्र प्रेम विवाहानंतर प्रेमाची गोडी संपली की नात्यांमध्ये दुरावा देखील निर्माण होतो. अशा घटना अलीकडच्या काळात मोठ्या प्रमाणावर घडत असल्याचे दिसून येते. विदर्भातील अमरावतीमध्ये देखील अशाच प्रकारे घटना घडली. प्रेम विवाह केलेल्या एका तरुण जोडप्यामध्ये मोठा कलह निर्माण झाला आहे. कारण पूर्वी प्रेयसी आणि आता पत्नी असलेल्या या महिलेने आपल्या पतविरुद्ध पोलिसात धाव घेत तक्रार दाखल केली आहे.
अगोदर प्रेयसी व आता पत्नी असलेल्या या महिलेने पती विरोधात मारहाण केल्याची पाच दिवसानंतर पोलिस स्थानकात तक्रार केली. या तक्रारीत तीने नव-याला मी मुलाला भेटायला गेली असता पतीने त्याला भेटू दिले नाही. उलट त्याच्यासह त्याच्या सोबत असलेल्या महिलेने आपणास लाथा बुक्क्यांनी व तोंड दाबून मारहाण केली. माझा मोबाईल हिसकावून आपल्याला घराबाहेर काढून दिले असे म्हटले आहे. याप्रकरणी, पोलिसांनी तिच्या पतीसह आणखी एका महिलेविरूध्द कौटुंबिक छळ, मारहाण व धमकीचा गुन्हा दाखल केला आहे.
धक्कादायक तक्रार…वेगवेगळ्या महिलांना पती घरात आणतो
आपला पती घरात वेगवेगळ्या महिलांना आणू लागला आहे. एका महिला अशी नातेसंबंध ठेवल्यानंतर तो दुसरी महिला आणतो. या प्रकाराला आता मी कंटाळले असून आपल्या पतीला धडा शिकवा तथा शिक्षा करावी अशी पोलिसांकडे तक्रार या महिलेने पोलिसांकडे केली आहे.
काही दिवसांनी सोडून देतो
या तक्रारी या महिलेने सांगितलले की, पती सुरुवातीला माझ्यावर खूप प्रेम करत होता. त्यातूनच आमचे लग्न झाले. त्यानंतर मात्र त्याला माझा कंटाळा येऊ लागला. त्याने घराकडे दुर्लक्ष केले. त्यानंतर तो बाहेरून तरुण मुली आणि महिलांना घरात घेऊन येऊ लागला.
