इंडिया दर्पण ऑनलाईन डेस्क
कंगना राणौतवर हल्ला करणाऱ्या CISF कॉन्स्टेबल कुलविंदर कौरला शिक्षा होणार आहे. ती तिची नोकरी गमावू शकते. बहुधा तिने हेच नियोजन केले असावे. शेतकऱ्यांच्या आंदोलनाला पाठिंबा देणारा हा सारा प्रकार मूर्खपणाचा आहे. कुलविंदर कौर यांनी नुकतेच राजकारणात प्रवेश केला आहे. जर बेअंत सिंगचा मुलगा फक्त त्याच्या वडिलांनी इंदिरा गांधींची हत्या केल्यामुळे जिंकू शकला आणि अमृतपाल सिंग जिंकू शकतो कारण तो भिंद्रनवालेसारखा दिसतो, तर कुलविंदर कौरलाही पाठिंबा मिळेल अशी प्रतिक्रिया निवृत मेजर गौरव आर्या यांनी दिली आहे. ही प्रतिक्रिया कंगानाने रिट्विव्ट केली आहे.
काल बॉलिवूड अभिनेत्री खासदार असलेल्या कंगना रणौतला चंडीगड विमानतळावर CISF ची महिला जवान कुलविंदर कौर हिने कानशिलात लगावली आहे. त्यानंतर त्यावर जोरदार चर्चा सुरु झाली आहे. अनेकांनी शेतक-यांची मुलगी म्हणून तीची पाठराखण केली. तर काहींना तीच्या या कृतीवर आपला विरोध दर्शवला आहे.
या घटनेनंतर कंगनाने तिच्या ट्विटर म्हटले आहे की, मला अनेक हितचिंतकांचे आणि मीडिया मधील लोकांचे फोन येत आहेत. सगळ्यात आधी मी सुरक्षित आहे. मी ठीक आहे. चंडीगड विमानतळावर जी घटना घडली आहे. ती घटना सुरक्षा तपासणी केल्यानंतर मी जशी तिथून निघाले. तेव्हा दुसऱ्या केबिनमध्ये जी महिला होती. जी CISF जवान होती. त्या महिलेनं माझ्यासोबत असलेल्या सुरक्षा रक्षाकाला तिथून पुढे जाण्यापर्यंत प्रतीक्षा केली. त्यानंतर पुढे येऊन त्यांनी माझ्या कानशिलात लगावली. त्यानंतर अपशब्द वापरले. त्यानंतर मी जेव्हा त्यांना विचारलं की असं का केलं? तर त्यांनी सांगितलं की त्या शेतकऱ्यांच्या आंदोलनाला पाठिंबा देत आहेत. मी सुरक्षित आहे. पण मला एकच चिंता आहे की पंजाबमध्ये जो दहशतवाद आणि अतिरेक वाढतोय. आपण त्या सगळ्याला कसं हाताळायचं असे म्हटले होते.तर राणौतला थप्पड मारणारी सीआयएसएफची महिला कॉन्स्टेबल कुलविंदर कौरने सांगितले की, शेतकरी तिथे १०० रुपयांसाठी बसले आहेत, असे विधान तिने केले होते. ती तिथे जाऊन बसेल का? तिने हे विधान केले तेव्हा माझी आई तिथे बसून निषेध करत होती.
एकुणच या प्रकरणावर समिश्र प्रतिक्रिया येत असून ही घटना सर्वत्र चर्चेची ठरली आहे.
