नाशिक (इंडिया दर्पण वृत्तसेवा)- किरकोळ कारणातून टोळक्याने दोघा मित्रांना बेदम मारहाण केल्याची घटना कॉलेजरोड भागात घडली. या घटनेत हॉटेलमधील लाकडी ट्रे एकाच्या डोक्यात मारण्यात आल्याने सदर युवक जखमी झाला असून याप्रकरणी गंगापूर पोलीस ठाण्यात गुन्हा दाखल करण्यात आला आहे.
विजय गांगुर्डे, सचिन सोनी,रूपेश परदेशी,आदित्य चव्हाण,पवन आरूळे,सोहम जाधव अशी दोघा मित्रांना मारहाण करणाºया संशयितांची नावे आहेत. याबाबत अर्थ राकेश पाटील (रा.इंद्रनगरी, त्रिमुर्ती चौक कामटवाडा) या युवकाने फिर्याद दिली आहे. पाटील व त्याचा मित्र सोमवारी (दि.३) दुपारच्या सुमारास कॉलेजरोड भागातील कॉफी क्लब कॅफे येथे गेले असता ही घटना घडली.
दोघे मित्र एका बाकड्यावर बसलेले असतांना समोरील बाकावरील संशयितांनी आमच्याकडे काय बघतो या कारणातून कुरापत काढून दोघा मित्रांना बेदम मारहाण केली. या मारहाणीत एकाने कॅफेतील लाकडी ट्रे पाटील याच्या डोक्यात मारल्याने तो जखमी झाला असून अधिक तपास हवालदार मोरे करीत आहेत.
