नाशिक (इंडिया दर्पण वृत्तसेवा)- भरधाव दोन दुचाकींमध्ये झालेल्या अपघातात एका जखमीचा मृत्यू झाला. सदर व्यक्तीवर जिल्हा रूग्णालयात उपचार सुरू होते. हा अपघात महामार्गावरील एक्स्लो पॉईंट भागात झाला होता. याप्रकरणी अंबड पोलीस ठाण्यात मृत्यूची नोंद करण्यात आली आहे.
नामदेव शंकर बोराडे (५४ रा.केवलपार्क ,सिडको) असे मृत दुचाकीस्वाराचे नाव आहे. बोराडे गेल्या २२ मे रोजी आपल्या दुचाकीवर केवलपार्क कडून औद्योगीक वसाहतीत जात असतांना हा अपघात झाला होता. एक्स्लो पॉईंट भागात दोन दुचाकींमध्ये धडक झाली होती. या अपघातात बोराडे गंभीर जखमी झाले होते. मुलगी गायत्री बोराडे यांनी त्यांना तातडीने जिल्हा रूग्णालयात दाखल केले असता मंगळवारी (दि.४) उपचार सुरू असतांना त्यांचा मृत्यू झाला. अधिक तपास हवालदार झोले करीत आहेत.
