इंडिया दर्पण ऑनलाईन डेस्क
पुणे : पुण्यात पोलिस अधिकाऱ्याने एका युवकाकडून पाय दाबून घेतल्याच व्हिडीओ व्हायरल झाल्यामुळे चांगलीच खळबळ निर्माण झाली आहे. नाकाबंदी दरम्यान पोलिसांनी तरुणांची गाडी अडवून तिच्यातील एका तरुणाला पाय दाबण्यास भाग पाडले. भीतीने युवकाने त्यांचे पाय दाबले. परंतु आता घटनेचा व्हिडीओ व्हायरल झाला आहे.
याबाबत समजलेली माहिती अशी की, काही युवक कारमधून प्रवास करत असताना पोलिसांनी त्यांना नाकाबंदी दरम्यान अडवले. कारमधील एका युवकाकडून पोलिस अधिकाऱ्याने पाय दाबून घेतले. कल्याणीनगर परिसरात शनिवारी रात्री हा प्रकार घटला. हा व्हिडीओ ‘सोशल मीडिया’वर व्हायरल होत आहे.
सणसवाडी परिसरातील काही युवक कारमधून पुण्यात घरी परतत होते. रात्री १२.२० वाजता कल्याणीनगर परिसरात पोलिसांची नाकाबंदी करताना वाहन चालकास अडवले. त्याच्याकडून दंड वसूल केला. नंतर पोलिस अधिकाऱ्याने युवकास पाय दाबायला लावले.
