नाशिक (इंडिया दर्पण वृत्तसेवा) – येवला तालुक्यातील जळगाव नेऊर परिसरात बिबट्याने दहशत माजवली असून द्राक्ष बागांमध्ये परिसरातील शेतकऱ्यांना बिबट्याचे दर्शन झाल्याने शेतकऱ्यांमध्ये भीतीचे वातावरण निर्माण झाले आहे.
शेतकरी बबन शिंदे यांच्या द्राक्ष बागेत बिबट्या दिसल्याने परिसरातील शेतकऱ्यांनी हुसकावून लावण्याचा प्रयत्न केला. त्यामुळे बिबट्याने दुसऱ्या शेतात धूम ठोकली असून वनविभागाने या परिसरात बिबट्याला पकडण्यासाठी पिंजरा लावला आहे.
