इंडिया दर्पण ऑनलाईन डेस्क
तामिळनाडूच्या कन्नियाकुमारी येथील विवेकानंद रॉक मेमोरियलला पंतप्रधान मोदी हे गुरुवारी सांयकाळी गेले. त्यानंतर त्यांनी विवेकानंद रॉक मेमोरिअलमध्ये येथे ध्यान साधना सुरू केली आहे. ४५ तास ते ध्यान साधना करणार असून या काळात ते अन्नाच्या कणालाही हात लावणार नाहीत. फक्त नारळ पानी, द्राक्षाचा रस आणि इतर तरल पदार्थ घेतील. या काळात ते ध्यान कक्षातून बाहेर येणार नाहीत. या काळात मौन पाळणार आहेत.
ध्यान साधना करण्यापूर्वी त्यांनी भगवती अम्मन मंदिरात जाऊन दर्शन घेतलं आणि पूजा अर्चना केली. १ जूनला ते ध्यान साधनेतून बाहेर येतील. विवेकानंद रॉक मेमोरिअल समुद्रात आहे. मोदी ४५ तास या बेटावर थांबणार असल्याने या ठिकाणी मोठी बंदोबस्त ठेवण्यात आला आहे. या ठिकाणी दोन हजार पोलीस तैनात करण्यात आले आहेत. तसेच भारतीय तट रक्षक दल आणि नौदलाचे जवानही तैनात राहणार आहेत.
