नाशिक (इंडिया दर्पण वृत्तसेवा) : औद्योगीक वसाहतीतील एका कारखान्यातून चोरट्यांनी सुमारे सहा लाख रूपये किमतीची कॉपर वायर चोरून नेली. याप्रकरणी अंबड पोलीस ठाण्यात घरफोडीचा गुन्हा दाखल करण्यात आला आहे.
वैभव भास्कर कापडणे (रा.वासननगर,पाथर्डी फाटा) यांनी फिर्याद दिली आहे. कापडणे यांचा अंबड औद्योगीक वसाहतीतील मोठा मळा भागात पॉवर कॅब इंडस्ट्रीज नावाचा कारखाना आहे. मंगळवारी (दि.२८) रात्री अज्ञात चोरट्यांनी बंद कारखान्याच्या शटरचा पत्रा उचकटून ही चोरी केली. कारखान्यात शिरलेल्या चोरट्यांनी सुमारे ५ लाख ८० हजार १२५ रूपये किमतीचे कॉपर वायरचे १७० बॉबीन चोरून नेल्या. अधिक तपास उपनिरीक्षक शेवाळे करीत आहेत.
