इंडिया दर्पण ऑनलाईन डेस्क
येवला तालुक्यातील नगरसुल येथील कटके वस्तीवर मध्यरात्रीच्या सुमारास सशस्र दरोडा पडल्याची घटना घडली. ७ ते ८ जणांच्या टोळीने तीन ठिकाणी जबरी लूट करुन हत्यारांनी घरातील लोकांना जबरी मारहाण केल्यामुळे काही जण जखमी झाले आहे. दरोडखोरांनी २० ते २५ लाख रुपयाचा मुद्देमाल चोरुन नेला आहे. यात सोने, चांदीचे दागिण्यांचा समावेश आहे.
दरोड्यात जखमी झालेल्यांवर रुग्णालयात उपचार सुरू आहे. या दोरड्याच्या घटनेची माहिती मिळाल्यानंतर वरिष्ठ पोलीस अधिकारी घटनास्थळी दाखल झाले. पाठोपाठ डॉग स्कॉड पोहचला, मात्र या स्कॅाडने काही अंतरा पर्यंत मार्ग दाखवला. दरोड्याचा या घटनेमुळे नगरसुल परिसरात शेत शिवारात राहणाऱ्या नागरिकांमध्ये भीतीचे वातावरण निर्माण झाले आहे.
गेल्या काही दिवसात चो-याच्या घटना ग्रामीण भागात घडत असतांना हा दरोडा पडला. एकाच दिवशी तीन ठिकाणी हा दरोडा टाकण्यात आल्यामुळे खबबळ निर्माण झाली आहे. पोलिसांनी या घटनेची गंभीर दखल घेऊन तपास सुरु केला आहे.
