नाशिक (इंडिया दर्पण वृत्तसेवा)- शतपावलीसाठी घराबाहेर पडलेल्या महिलेच्या गळयातील सोनसाखळी दुचाकीस्वार भामट्यांनी ओरबाडून नेल्याची घटना मखमलाबाद शिवारातील तांबे मळा भागात घडली. या घटनेत ५० हजाराच्या चैनवर चोरट्यांनी डल्ला मारला असून याप्रकरणी म्हसरूळ पोलीस ठाण्यात जबरीचोरीचा गुन्हा दाखल करण्यात आला आहे.
विद्या सुरेश जावरे (५७ रा.चामुंडा ग्रिन अपा. गॅस गोडावून समोर,तांबेमळा) यांनी याबाबत फिर्याद दिली आहे. जावरे या शनिवारी (दि.१८) रात्री जेवण आटोपून घर परिसरात फेरफटका मारीत असतांना ही घटना घडली. तांबे मळय़ातील भारत गॅस गोडावून जवळ त्या शतपावली करीत असतांना पाठीमागून दुचाकीवर आलेल्या भामट्यांनी त्यांच्या गळयातील ५० हजार रूपये किमतीची सोनसाखळी हिसकावून नेली. अधिक तपास उपनिरीक्षक पठारे करीत आहेत.
