इंडिया दर्पण ऑनलाईन डेस्क
बेंगळुरूमधील इलेक्ट्रॉनिक सिटीजवळील एका फार्महाऊसवर रेव्ह पार्टीवर केंद्रीय गुन्हे शाखेच्या पथकाने छापा टाकल्यामुळे खळबळ निर्माण झाली आहे. या पार्टीत 17 MDMA गोळ्या आणि कोकेन जप्त करण्यात आले आहे. पहाटे २ वाजेपर्यंत वाढदिवसाच्या पार्टीच्या हा छापा टाकण्यात आला. त्यात आंध्र प्रदेश आणि बेंगळुरूमधील २५ महिलांसह १०० हून अधिक उपस्थित होते.
या फार्महाऊसमध्ये पार्टीचे आयोजन हैदराबादमधील वासू या व्यक्तीने केले होते. घटनास्थळी आंध्रचे आमदार काकानी गोवर्धन रेड्डी यांच्या आमदाराचा पास असलेली बेंझ कार सापडली. याव्यतिरिक्त, मर्सिडीज-बेंझ, जग्वार आणि ऑडीसह पंधराहून अधिक आलिशान कार या परिसरात होत्या.
या प्रकरणी गुन्हा दाखल करण्यात आला आहे. पोलीस घटनास्थळाची पाहणी करण्यासाठी नार्कोटिक्स स्निफर डॉगचा वापर करत आहेत.पार्टीत सहभागी असलेल्या सर्व व्यक्तींची ओळख पटवण्याचे काम सुरु आहेत.
