नाशिक (इंडिया दर्पण वृत्तसेवा) – नाशिक पुणे मार्गावरील बोधले नगर भागात दुकानात कोणी नसल्याची संधी साधात भामट्यांनी प्लायवूड दुकानाच्या गल्यातील रोकडसह घड्याळ असा सुमारे ७४ हजाराचा ऐवज चोरून नेला. याप्रकरणी मुंबईनाका पोलीसा ठाण्यात चोरीचा गुन्हा दाखल करण्यात आला आहे.
मुकेश रामेश्वरलाल जांगीड (रा.बनकर चौक,काठेगल्ली) यांनी फिर्याद दिली आहे. जांगीड यांचे बोधले बसस्टॉप परिसरातील स्कायलॅण्ड सोसायटीच्या शॉप नं. ८ मध्ये प्लॉयवूड विक्रीचे दुकान आहे. शनिवारी (दि.१८) दुपारच्या सुमारास जांगिड आपले दुकान सोडून अल्पावधीसाठी शेजारी गेले असता ही घटना घडली.
उघड्या दुकानात शिरून चोरट्यांनी काऊंटरमधील गल्यातून रोकड व घड्याळ असा सुमारे ७४ हजार १०० रूपये किमतीचा ऐवज चोरून नेला. अधिक तपास जमादार सोनार करीत आहेत.
