नाशिक (इंडिया दर्पण वृत्तसेवा)– शहरातील वेगवेगळया भागात राहणा-या दोघांनी शुक्रवारी (दि.१७) गळफास लावून घेत आपले जीवन संपविले. दोघांच्याही आत्महत्येचे कारण समजू शकले नाही. मृतांमध्ये ३५ वर्षीय महिलेचा समावेश आहे. याप्रकरणी इंदिरानगर व उपनगर पोलीस ठाण्यात मृत्यूची नोंद करण्यात आली आहे.
पोलीसांनी दिलेल्या माहितीनुसार पाथर्डी फाटा भागात राहणाºया प्रिया संदिप म्हस्के (३५ रा.शिवप्रसाद अपा.ज्ञानेश्वरनगर) या महिलेने शुक्रवारी रात्री अज्ञात कारणातून आपल्या राहत्या घरातील बैठक रूमध्ये पंख्याच्या हुकास ओढणी बांधून गळफास लावून घेतला होता. ही बाब निदर्शनास येताच पती संदिप म्हस्के यांनी त्यांना तात्काळ जिल्हा रूग्णालयात दाखल केले असता वैद्यकीय सुत्रांनी तपासून मृत घोषीत केले. याबाबत इंदिरानगर पोलीस ठाण्यात मृत्यूची नोंद करण्यात आली असून अधिक तपास हवालदार गारले करीत आहेत.
दुसरी घटना जयभवानीरोड भागात घडली. बाळासाहेब सुरेश जाचक (४५ रा.जाचकमळा,जयभवानीरोड) यांनी शुक्रवारी दुपारच्या सुमारास अज्ञात कारणातून आपल्या राहत्या घरात गळफास लावून घेतला होता. त्यात त्यांचा मृत्यू झाला. याबाबत तुषार जाचक यांनी दिलेल्या खबरीवरून उपनगर पोलीस ठाण्यात मृत्यूची नोंद करण्यात आली असून अधिक तपास पोलीस नाईक बोडके करीत आहेत.
कोयता घेवून फिरणा-या तरूणावर पोलीसांनी केली कारवाई
नाशिक (इंडिया दर्पण वृत्तसेवा)- जयभवानीरोडवरील फर्नाडीसवाडी भागात धारदार कोयता घेवून फिरणा-या तरूणाच्या पोलीसांनी मुसक्या आवळल्या. संशयिताच्या ताब्यातून लोखंडी कोयता हस्तगत करण्यात आला असून याप्रकरणी उपनगर पोलीस ठाण्यात गुन्हा दाखल करण्यात आला आहे.
अजय राजेंद्र लोहट उर्फ अज्जूमामा (२४ रा.फर्नांडीसवाडी,जयभवानीरोड) असे गुन्हा दाखल करण्यात आलेल्या संशयितांचे नाव आहे.फर्नांडीसवाडी भागात एक तरूण कोयता घेवून फिरत असल्याची माहिती पोलीसांना मिळाली होती. त्यानुसार गुरूवारी (दि.१६) रात्री पोलीसांनी धाव घेत संशयितास ताब्यात घेतले असता त्याच्या अंगझडतीत धारदार कोयता मिळून आला. याबाबत अंमलदार सुरज गवळी यांनी दिलेल्या फिर्यादीवरून गुह्याची नोंद करण्यात आली असून अधिक तपास हवालदार लखन करीत आहेत.
