नाशिक (इंडिया दर्पण वृत्तसेवा)- दारूच्या नशेत एकाने ६० वर्षीय वृध्दास बेदम मारहाण केल्याची घटना काझीगडी भागात घडली. या घटनेत लाकडी दांडक्याचा वापर करण्यात आल्याने वृध्द जखमी झाला असून याप्रकरणी भद्रकाली पोलीस ठाण्यात गुन्हा दाखल करण्यात आला आहे.
दगडू लक्ष्मण जोंजे (रा.शितळा देवी मंदिराजवळ,काझीगडी) असे मारहाण करणा-या संशयिताचे नाव आहे. याबाबत अशोक आनंदा सानप (६० रा.सप्तशृंगी देवी मंदिरासमोर गणेशवाडी) यांनी फिर्याद दाखल केली आहे. सानप बुधवारी (दि.१५) काझी गढी भागात गेले होते. कुंभारवाडा भागातून ते रस्त्याने पायी जात असतांना मद्याच्या नशेत असलेल्या संशयिताने त्यांना कुठलेही कारण नसतांना शिवीगाळ केली. यावेळी सानप यांनी त्यास जाब विचारण्याचा प्रयत्न केला असता संशयितांने त्यांना लाथाबुक्यांनी बेदम मारहाण केली. या हाणामारीत लाकडी दांडक्याचा वापर केल्याने सानप जखमी झाले असून अधिक तपास हवालदार महाले करीत आहेत.
…..
घरात चार्जींगला लावलेला मोबाईल चोरीला
नाशिक (इंडिया दर्पण वृत्तसेवा)- उघड्या घरात शिरून चोरट्यांनी चार्जींगला लावलेला मोबाईल चोरून नेल्याची घटना एमएचबी कॉलनी भागात घडली. या घटनेत सुमारे ३० हजार रूपयांच्या मोबाईल चोरट्यांनी पळविला असून याप्रकरणी सातपूर पोलीस ठाण्यात गुन्हा दाखल करण्यात आला आहे.
अभिषेक भाऊसाहेब कवडे (रा.रूम नं. ६५८ एमएचबी कॉलनी,सातपूर) यांनी याबाबत फिर्याद दाखल केली आहे. कवडे कुटूंबिय गुरूवारी (दि.१६) आपल्या घरात असतांना ही घटना घडली. अज्ञात चोरट्यांनी उघड्या घरात शिरून चार्जिंगला लावलेला सुमारे ३० हजाराचा मोबाईल चोरून नेला. अधिक तपास हवालदार मुसळे करीत आहेत.
