नाशिकमध्ये या भागात देखभाल दुरुस्तीसाठी शनिवारी वीज पुरवठा राहणार बंद

नाशिक (इंडिया दर्पण वृत्तसेवा) – महावितरणच्या ३३ के व्ही पाथर्डी आणि भगुर या विद्युत वाहिनीजवळील झाडांच्या फांद्या काढण्याकरिता व ३३/११ केव्ही पाथर्डी उपकेंद्र देखभाल दुरुस्ती कामाकरीता तसेच १३२ केव्ही उपकेंद्रातील महापारेषणच्या नियोजित कामाकरिता खालील दिलेल्या भागात १८मे रोजी शनिवार, दुपारी १ ते दुपारी २.३० पर्यंत वीज पुरवठा बंद राहणार आहे, ग्राहकांनी याची नोंद घ्यावी व सहकार्य करावे असे आवाहन पाथर्डी शाखा कार्यालयाने केले आहे.

यामधे ११ केव्ही पाथर्डी वाहिनीवरील खालील रोहित्र आहेत.
१. पाथर्डी
२. एकता
३. अमित
४. वडनेर
५. रेडिसन (राहुल अँड प्रणव)
६. राजीवनगर
७. नयनतारा
८. पार्कसाईड
९. इंदिरानगर
१०. वासन नगर
यांचा समावेश आहे.
सदर कामाकरिता दिलेल्या भागात व वेळेत विद्युत पुरवठा बंद राहील. मात्र वेळेत काम पूर्ण न झाल्यास वीजपुरवठा सुरू करण्यास काहीसा विलंब होऊ शकतो याची कृपया वीज ग्राहकांनी नोंद घ्यावी व संयम राखून सहकार्य करावे असे आवाहन महावितरणने केले आहे.