नाशिक (इंडिया दर्पण वृत्तसेवा)- तवलीफाटा भागात वीज कंपनीच्या ट्रान्सफार्मर मधून चोरट्यांनी सुमारे ३८ हजार रूपये किमतीचे ४०० लिटर ऑईल चोरट्यांनी चोरून नेले. ही घटना घडली. याप्रकरणी म्हसरूळ पोलीस ठाण्यात चोरीचा गुन्हा दाखल करण्यात आला आहे.
दशरथ अमृता गावंडे (रा.ओमकारनगर,म्हसरूळ मखमलाबाद लिंकरोड) यांनी फिर्याद दिली आहे. तवली फाटा येथील महावितरणच्या प्रधान तंत्रज्ञ कक्षात ही घटना घडली. आवारात पडलेल्या २०० केव्ही ट्रान्सफार्मरमधील मधील सुमारे ३८ हजार रूपये किमतीचे ४०० लिटर ऑईल चोरट्यांनी चोरून नेले. ही घटना मंगळवारी (दि.१४) दुपारच्या सुमारास उघडकीस आली. अधिक तपास पोलीस नाईक बागुल करीत आहेत.
३१ वर्षीय युवकाची आत्महत्या
नाशिक (इंडिया दर्पण वृत्तसेवा)- फुलेनगर भागात राहणा-या ३१ वर्षीय युवकाने आपल्या राहत्या घरात गळफास लावून घेत आत्महत्या केली. सदर तरूणाच्या आत्महत्येचे कारण समजू शकले नाही. याबाबत पंचवटी पोलीस ठाण्यात मृत्यूची नोंद करण्यात आली आहे.
प्रविण शंकर पगारे (रा.तिन पुतळयामागे,फुलेनगर) असे मृत युवकाचे नाव आहे. पगारे यांनी बुधवारी (दि.१५) अज्ञात कारणातून आपल्या राहत्या घरातील लोखंडी पाईपाला साडी बांधून गळफास लावून घेतला होता. त्यात त्याचा मृत्यू झाला. याबाबत सतीष पगारे यांनी दिलेल्या खबरीवरून पोलीस दप्तरी मृत्यूची नोंद करण्यात आली असून अधिक तपास पोलीस नाईक मोरे करीत आहेत.
……
…..
