सटाणा (इंडिया दर्पण वृत्तसेवा) – धुळे लोकसभा मतदारसंघाच्या महाविकास आघाडीच्या उमेदवार डॉ. शोभा बच्छाव यांच्या प्रचारार्थ आयोजित सटाणा येथील सभेत शरद पवारांचे भाषण सुरू असताना स्टेज मागील फ्लॅक्स वादळामुळे कोसळला. त्यामुळे शरद पवारांना भाषण आटोपते घ्यावे लागले.
गेल्या दोन दिवसांपासून नाशिकमध्ये दिग्गज नेत्यांच्या सभा होत आहे. नाशिकमध्ये दिंडोरी, नाशिक व धुळे मतदार संघातील निम्मा भाग आहे. त्यामुळे येथे नेत्यांची गर्दी आहे. शरद पवार कालपासून नाशिक जिल्ह्यात आहे. काल त्यांनी दिंडोरी मतदार संघाच्या उमेदवारांसाठी वणी येथे सभा घेतली. त्यानंतर आज काँग्रेसच्या उमेदवार डॅा. शोभा बच्छाव यांच्यासाठी सटाणा येथे सभा होती. यावेळी वादळ जोरात सुटले. सभेसाठी असलेला बॅनर उडून गेला. आपण फोटोमध्ये बॅनर असलेला फोटो व नंतर बॅनर नसलेला फोटो बघू शकतो.
