नाशिक (इंडिया दर्पण वृत्तसेवा) – शहरात वेगवेगळ्या भागातून पार्क केलेल्या दहा चाकी डम्परसह दुचाकी चोरट्यांनी चोरून नेली. याबाबत आडगाव व सातपूर पोलीस ठाण्यात गुन्हे दाखल करण्यात आले आहे.
पोलीसांनी दिलेल्या माहितीनुसार मंगेश एकनाथ शिंदे (रा.चारी नं.७ गंगापूर कॅनोल आडगाव शिवार) यांच्या मालकीचा एमएच १५ ईजी ९५२५ हा दहा चाकी डम्पर गेल्या रविवारी (दि.५) आडगाव शिवारातील डिमार्ट जवळ पार्क केलेला असतांना चोरट्यांनी तो पळवून नेला. याबाबत आडगाव पोलीस ठाण्यात गुह्याची नोंद करण्यात आली असून अधिक तपास हवालदार डापसे करीत आहेत.
दुसरी घटना त्र्यंबकरोडवरील पपया नर्सरी भागात घडली. एकनाथ लोटन निकुंभ (रा.तिरूमाला हाईटस,श्रमिकनगर) यांनी याबाबत तक्रार दाखल केली आहे. निकुंभ गेल्या २१ एप्रिल रोजी विवाह सोहळया निमित्त पपया नर्सरी भागात गेले होते. सौभाग्य लॉन्सच्या पार्किंगमध्ये त्यांनी आपली एमएच १९ सिके ४०१३ दुचाकी पार्क केली असता चोरट्यांनी ती चोरून नेली. याबाबत सातपूर पोलीस ठाण्यात गुह्याची नोंद करण्यात आली असून अधिक तपास हवालदार मुसळे करीत आहेत.
