नाशिक (इंडिया दर्पण वृत्तसेवा)– देवळा तालुक्यातील मेशी गावातील ग्रामदैवत जगदंबा मातेच्या सात दिवस यात्रौत्सवात साजरा केला जातो. आज अक्षय तृतीयाच्या शेवटच्या दिवशी बारा गाड्या ओढतांना झालेल्या अपघातात ५ जण जखमी झाले. अक्षय्य तृतीयाच्या दिवशी यात्रेची सांगता असते.
देवीच्या रथाची सवाद्य मिरवणूक व बारा गाड्या ओढण्याचा कार्यक्रम असतो. बारा गाड्या ओढतांना भाविकांची गर्दी जास्त झाल्याने बारागाड्या नियोजित मार्गावरून एकाच बाजूला ओढल्या गेल्या. या घटनेत ५ भाविक जखमी झाले. घटनेतील जखमींना ग्रामस्थानी तातडीने वैद्यकीय उपचारासाठी देवळा व मालेगाव येथे दाखल करण्यात आले.
