इंडिया दर्पण ऑनलाईन डेस्क
काँग्रेस नेते राहुल गांधी हे गेल्या काही दिवसात वेगवेगळ्या क्षेत्रातील लोकांशी संवाद साधतांनाच्या बातम्या आपण बघितल्या पण, आज राहुल गांधी यांनी थेट डोसा बनवला.तेलंगाना विधानसभेसाठी राहुल गांधी काँग्रेसचा प्रचार करत आहे. या प्रचारादरम्यान त्यांनी हा डोसा बनवला. त्यानंतर त्यांनी त्यांच्या सोशल मीडिया पोस्टवर लिहले की, तेलंगाना मेरा परिवार है, जिसने आज मुझे डोसा बनाना भी सिखा दिया। साथियों को भी खिलाया, खुद भी खाया – काफ़ी मज़ेदार बना था! याचा व्हिडिओ महाराष्ट्र काँग्रेसचे अध्यक्ष नाना पटोले यांनी सुध्दा शेअर केला आहे.
काही दिवसापूर्वी राहुल गांधी दिल्लीतील कीर्तीनगर येथे असलेल्या आशियातील सर्वात मोठ्या फर्निचर मार्केटमध्ये गेले होते. येथे ते सुतार बांधवांना भेटले. येथे त्यांनी शाळेतील मुलांचा टेबलही बनवला. त्याअगोदर दिल्लीच्या आनंद विहार रेल्वे स्टेशनवर पोहोचून हमालांची भेट घेतली. यावेळी त्यांनी हमालांचा लाल गणवेश परिधान केला होता. इतक्यावरच ते थांबले नाही तर हातात त्यांनी ७५६ नंबरचा बिल्ला देखील लावला व सामान सु्ध्दा उचलले होते. त्यामुळे त्यांची ही हमालाची भेट चांगलीच चर्चेची ठरली होती.
या भेटीही चर्चेत
हरियाणातील सोनीपतमधील मदिना गावात भाताची लागवड, त्यानंतर ट्रॅक्टर चालवून शेतात भाताची पेरणी. तर काहीवेळा ते गॅरेजमध्ये दिसले. एकदा तर ते ट्रकमधून प्रवास करतांना सगळ्यांनी बघितले. गेल्या काही दिवसात ते वेगवेगळ्या व्यवसायातील नागरिकांशी भेट घेऊन त्यांचे प्रश्न समजून घेत आहेत. त्यांचीशी ते सविस्तर चर्चाही करतात त्यांच्या अशा भेटी चर्चेत राहिल्या आहेत.
