नाशिक (इंडिया दर्पण वृत्तसेवा)- बसमध्ये चढतांना प्रवाशाच्या गळय़ातील सोन्याचे लॉकेट चोरट्यांनी हातोहात लांबविले ही घटना महामार्ग बसस्थानकात घडली. या घटनेत सुमारे ८३ हजाराच्या सोन्याच्या लॉकेटवर चोरट्यांनी डल्ला मारला असून, याप्रकरणी मुंबईनाका पोलीस ठाण्यात गुन्हा दाखल करण्यात आला आहे.
भगवान सोमनाथ सदगिर (६३ रा.शहापूर जि. ठाणे) यांनी याबाबत फिर्याद दिली आहे. सदगिर बुधवारी (दि.८) कामानिमित्त शहरात आले होते. दुपारच्या सुमारास ते कसारा जाण्यासाठी महामार्ग बसस्थानकात गेले असता ही घटना घडली. कसारा बसमध्ये चढत असतांना गर्दीची संधी साधत अज्ञात चोरट्यांनी त्यांच्या गळय़ातील सुमारे ८२ हजार ८१६ रूपये किमतीचे सोन्याचे लॉकेट हातोहात लांबविले. अधिक तपास उपनिरीक्षक शेख करीत आहेत.
