मालेगाव (इंडिया दर्पण वृत्तसेवा)- शहरातील संगमेश्वर भागात सतत होणाऱ्या भांडणाच्या कारणावरून एका टोळीने कारमधून येत दोघां तरुणांना जीवे ठार मारण्याचा प्रयत्न केला असून या घटनेमुळे संगमेश्वर भागात खळबळ उडाली आहे.मोमीन मोहम्मद अराफत समीउल्ला आपला मित्र अशर अंजूम याच्यासह घरी जात असतांना कार मधून आलेल्या तरुणांनी त्याच्यावर गोळ्या झाडल्या तर दुस-यावर कोयत्याने वार करत त्याला जखमी केले,या सर्व घटनेचा थरार सीसीटीव्ही मध्ये कैद झाला असून, या प्रकरणी छावणी पोलिसात ठार मारण्याचा प्रयत्न केल्या प्रकरणी गुन्हा दाखल करण्यात आला असून चौघांना ताब्यात घेण्यात आले आहे.
