नाशिक (इंडिया दर्पण वृत्तसेवा) – नाशिक – मुंबई- आग्रा महामार्गावर स्टार कंपनी गोंदे जवळ दोन कारच्या अपघातात पाच जण जखमी झाल्याची घटना घडली.
सायंकाळी साडेसहा वाजता हा अपघात झाला. नाशिककडून मुंबई कडे जाणाऱ्या कारला मागून येणाऱ्या कारने जोरदार धडक दिली. त्यात पाच जण जखमी झाले.
या अपघातातील कार क्रं.MH MH.05.BJ.1768 व MP.09.CM.5872 या दोन कारमध्ये हा अपघात झाला. या अपघातात जैनाब सिध्दपुरवाला (२०) अमानुलाहा नाझमी (१५) बुशहानुद्दीन (५२) सिद्धपुरवाला (१२), सुलेखा सिद्धपुरवाला (२९) रा. मध्य प्रदेश हे जखमी झाले.
या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत अॅम्बुलन्स लगेचच अपघात स्थळी पोहोचली. त्यानंतर जखमींला तात्काळ वाडिव-हे येथील खासगी रुग्णालयात दाखल करण्यात आले.
