नाशिक (इंडिया दर्पण वृत्तसेवा) – नाशिक मुंबई- आग्रा महामार्गावर जिंदाल कंपनी जवळ कंटेनर व कारचा अपघातात कार पलटी झाली आहे. या अपघातत चार जण जखमी झाले.
आज सकाळी ९ वाजता हा अपघात झाला. मुंबईकडून नाशिककडे जाणाऱ्या ओमीनी कारला मागून येणाऱ्या कंटेनरने जोरदार धडक दिली. त्यात ओमीनी कार पलटी झाली.
या अपघातात पलटी झालेल्या ओमीनी कारचा क्रं.MH 15.DS.8915 हा असून धडक देणा-या कंटनेरचा नंबर MH.46.AR.7765 हा आहे. या अपघातात चंद्रकांत नारायण आडोळे (३२) ज्ञानेश्वर आप्पा पगारे (४७) रा माणिखांब, मिराबाई भगत (३०) सौरभ राजु कडवे (२१) रा खंबाळे हे जखमी झाले आहे.
या अपघाताची माहिती फोनवर मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत अॅम्बुलन्स लगेचच अपघात स्थळी पोहोचली. त्यानंतर जखमींना तात्काळ घोटी ग्रामीण रुग्णालयामध्ये दाखल करण्यात आले.
