इंडिया दर्पण ऑनलाईन डेस्क
बारामतीः बारामती लोकसभा मतदारसंघात चक्क पोलिस ‘बंदोबस्तात’ पडतोय पैशांचा पाऊस…असे खळबळजनक ट्विट राष्ट्रवादी शरदचंद्र पवार पक्षाचे आमदार रोहित पवार यांनी केल्याने खळबळ माजली आहे. त्यांनी त्याचा एक व्हिडिओही शेअर केला आहे. पवार विरुध्द पवार असा संघर्ष असलेल्या या मतदार संघात निवडणुकी दरम्यान मोठा संघर्ष बघायला मिळत आहे. त्यात हा व्हिडिओ आता चर्चेचा विषय ठरला आहे.
बारामती लोकसभेत मतदार होण्याच्या अगोदरच्या रात्रीचा व्हिडिओ शेअर करताना मध्यरात्रीच आ. पवार यांनी विरोधकांकडून पैसे वाटले जात असल्याचा आरोप केला. आ. पवार म्हणाले, की बारामती मतदारसंघात चक्क पोलिस ‘बंदोबस्तात’ पडतोय पैशांचा पाऊस पडत असून भोर तालुक्यातील काही व्हिडिओ पाहा. त्यात भोर तालुक्यातील ‘अजितदादा मित्रमंडळा’चा पदाधिकारी आणि मावळमधील एका नेत्याचे कार्यकर्ते दिसत असून यासाठीच वाय दर्जाची सुरक्षा पाहिजे का, असा सवाल त्यांनी केला.
