इंडिया दर्पण ऑनलाईन डेस्क
राज्यात आज कोकणात रत्नागिरी-सिंधुदुर्ग, रायगड, पश्चिम महाराष्ट्रात बारामती, माढा, सांगली, सातारा, कोल्हापूर, हातकणंगले, सोलापूर, तर मराठवाड्यात धाराशिव, लातूर या मतदारसंघात मतदान होणार आहे. या मतदार संघात अनेक दिग्गज नेते रिंगणात आहे.
राज्यात ११ तर देशात ९३ लोकसभा मतदारसंघात मतदान होणार आहे. देशातील ११ राज्य आणि केंद्रशासित प्रदेशात आज मतदान होणार आहे. गुजरातमधील सर्व २५ जागांवर मतदान होईल. सूरतची जागा भाजपने बिनविरोध जिंकली आहे.
महाराष्ट्रात ११ जागांवर, उत्तर प्रदेशात १० जागांवर, कर्नाटकातल्या उर्वरित १४ जागा, छत्तीसगडमधील ७, मध्य प्रदेशातल्या ८, बिहारमधील ५, आसाममधील ४ तर पश्चिम बंगाल आणि गोव्यातल्या प्रत्येकी दोन जागांवर आज मतदान होईल. याशिवाय दादरा नगर हवेली, दमण दीव या केंद्रशासित प्रदेशातही मतदान होणार आहे.
