नाशिक (इंडिया दर्पण वृत्तसेवा) – नाशिक – मुंबई – आग्रा महामार्गावर गोंदे फाट्याजवळ आनंदवन येथे दुपारी ३ वाजता मुंबईकडून येणा-या कारचे टायर फुटल्यामुळे अपघात झाला. त्यात चार जण जखमी झाले. कारचे टायर फुटल्यामुळे चालकाचे नियंत्रण सुटले व कार पलटी झाली.
या अपघातातील वाहन क्रमांक MH 15.DS.1956 हा असून कारचे मोठे नुकसान झाले आहे. या अपघातात अमित आईनापुरे (४७), अनगा आईनापुरे (४३), अजय दत्तात्रय कुलकर्णी (६३), अनिता अजय कुलकर्णी (५८) रा. नाशिक हे जखमी झाले आहे.
या अपघाताची माहिती फोनवर मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत अॅम्बुलन्स लगेचच अपघात स्थळी पोहोचली. त्यानंतर जखमींला तात्काळ नाशिक नाइन प्लस या हॅास्पिटलमध्ये उपचासाठी दाखल करण्यात आले.
