मुंबई (इंडिया दर्पण वृत्तसेवा) – नाशिक – मुंबई – आग्रा महामार्गावर स्कुटीला बसने धडक दिल्यामुळे दोन जण जखमी झाले आहे. आज सकाळी साडेदहा वाजता हा अपघात झाला. नाशिककडून येणारी स्कुटी मोटर सायकल रोड क्रास करत होती. याचवेळी मागून येणा-या बस चालकाचे नियंत्रण सुटल्याने स्कुटीला बसने जोरदार धडक दिली. या अपघातात सारीका राजु खोडके (१६) किरण भाऊ खोडके (२३) रा. अंबड, नाशिक, हे जखमी झाले आहे.
या अपघाताची माहिती फोनवर मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत अॅम्बुलन्स लगेचच अपघात स्थळी पोहोचली. त्यानंतर जखमींना तात्काळ वाडिव-हे मल्टी स्पेशालिटी हॉस्पिटलमध्ये दाखल करण्यात आले. या अपघातात स्कुटीचे नुकसान झाले.
