नाशिक (इंडिया दर्पण वृत्तसेवा)- शहरातील भारतनगर व वज्रेश्वरीनगर भागात बेकायदा दारू विक्री करणा-या दोघांच्या पोलीसांनी मुसक्या आवळल्या. संशयितांच्या ताब्यातून सुमारे साडे चार हजार रूपये किमतीचा देशी दारूचा साठा जप्त करण्यात आला असून याप्रकरणी मुंबईनाका व पंचवटी पोलीस ठाण्यात गुन्हे दाखल करण्यात आले आहेत.
भारतनगर येथील नासर्डी नदीच्या किनारी एक तरूण दारू विक्री करीत असल्याची माहिती पोलीसांना मिळाली होती. त्यानुसार मुंबईनाका पोलीसांनी बुधवारी (दि.१) धाव घेतली असता समीर शाकिर शेख (२५ रा.मशीद गल्ली,भारतनगर) हा युवक दारू विक्री करतांना मिळून आला. संशयिताच्या ताब्यातून ३ हजार १५० रूपये किमतीच्या प्रिन्स संत्रा नावाच्या दारूने भरलेल्या बाटल्या जप्त करण्यात आल्या असून याप्रकरणी अंमलदार नवनाथ नवले यांनी दिलेल्या फिर्यादीवरून मुंबईनाका पोलीस ठाण्यात गुन्हा दाखल करण्यात आला आहे. अधिक तपास जमादार सोनार करीत आहेत.
दुसरी कारवाई दिंडोरीरोड भागात करण्यात आली. विद्यूतनगर येथील पाटकिनारी एक जण दारू विक्री करीत असल्याची माहिती पोलीसांना मिळाली होती. त्यानुसार गुरूवारी (दि.२) पोलीसांनी धाव घेत अश्पाक मुस्ताक शेख (रा.वजे्रश्वरीनगर दिंडोरीरोड) याच्या मुसक्या आवळल्या. संशयिताच्या ताब्यातून सुमारे १ हजार ९० रूपये किमतीच्या दारूच्या बाटल्या हस्तगत करण्यात आल्या असून याप्रकरणी पोलीस शिपाई घनश्याम महाले यांनी दिलेल्या फिर्यादीवरून पंचवटी पोलीस ठाण्यात गुन्हा दाखल करण्यात आला आहे. अधिक तपास पोलीस नाईक मालसाने करीत आहेत.
