इंडिया दर्पण ऑनलाईन डेस्क
ठाकरे गटाच्या नेत्या सुषमा अंधारे यांना घ्यायला आलेले हेलिकॅाप्टर क्रॅश झाले आहे. महाडमध्ये ही घटना घडली. अंधारे बसण्यापूर्वी हेलिकॅाप्टर क्रॅश झाले. सुदैवाने मोठा अनर्थ ठळला.
सकाळी ९.३० वाजता सुषमा अंधारे बारामतीच्या दिशेने जाणार होत्या. बारामतीला जाण्यासाठी त्या हेलिपॅडवर पोहचल्या. त्याचवेळी त्यांच्या समोरच हेलिकॅाप्टरचा अपघात झाला. या अपघातात हेलिकॅाप्टरचे तुकडे झाले. हेलिकॅाप्टरचा पायलट मात्र सुखरुप आहे.
हे हेलिकॅाप्टर नऊच्या सुमारास आले. हेलिकॅाप्टरमध्ये आधीपासूनच काही तांत्रिक अडचण असल्याचे बोलले जात आहे. या घटनेची माहिती अंधारे यांनी सोशल मीडियातून दिली.
