इंडिया दर्पण ऑनलाईन डेस्क
काही चित्रपटाबाबत गोपनीयता पाळली जाते. चित्रपट जोपर्यंत पूर्ण होत नाही. तो पर्यंत त्याची माहिती बाहेर पडू दिली जात नाही. पण, रामायण या बहुचर्चित चित्रपटातील शुटींगच्या दरम्यानचे काही फोटो समोर आले आहे. नितेश तिवारी दिग्दर्शित चित्रपट ‘रामायण’ ची शूटिंग सुरु झाली असून आता या चित्रपटातील हे फोटो आहे.
रणबीर कपूर आणि साई पल्लवी हे त्यांच्या भूमिकेत कसे दिसतात हे या फोटोवरुन दिसत आहे.चित्रपटाच्या सेटवरील दोन्ही कलाकारांचे समोर आलेले फोटो पाहून या चित्रपटाबद्दल चाहत्यांची उत्सुकता आणखीनच वाढली आहे. फोटोंमध्ये रणबीर कपूर रामाच्या भूमिकेत मरून रंगाचे धोतर घातलेला दिसत आहे. त्याच्या एका खांद्यावर त्याच रंगाचा स्कार्फ दिसत आहे. त्याने गळ्यात सोन्याचा हार आणि हाताची पट्टीही घातली आहे. लांब केसांमुळे रणबीर खूपच आकर्षक दिसत आहे आणि त्याच्या चेहऱ्यावर हलकेसे हसू पाहायला मिळते.
सीतेच्या भूमिकेत साई पल्लवी खूप छान दिसत असल्याचे फोटोमध्ये दिसत आहे, तिने जांभळ्या रंगाची साडी घातली आहे. तिने खूप भारी पारंपरिक दागिने घातलेले दिसतात. रणबीर आणि सई सध्या वनवासपूर्व सिक्वेन्सचे शूटिंग करत असल्याचे फोटोवरून स्पष्ट झाले आहे. या आधी सुद्धा या चित्रपटातील काही कलाकारांचे सेट वरील फोटो समोर आलेले आहेत.
