नाशिक (इंडिया दर्पण वृत्तसेवा) – हिरावाडीरोडवरील नंदिनी अगरबत्ती ट्रक भागात आयपीएलच्या गुजरात विरूध्द दिल्ली या क्रिकेट सामन्यावर उघड्यावर बसून बेटींग लावणा-या एकास पोलीसांनी गजाआड केले. संशयिताच्या ताब्यातून मोबाईल, रोकड आणि जुगाराचे साहित्य असा सुमारे साडे पाच हजार रूपये किमतीचा मुद्देमाल हस्तगत करण्यात आला. याप्रकरणी पंचवटी पोलीस ठाण्यात गुन्हा दाखल करण्यात आला आहे.
किशोर गणपता ढगे (४२ रा. ओमीषा अपा. दत्तनगर,पेठरोड ) असे संशयिताचे नाव आहे. अंमलदार नितीन पवार यांना मिळालेल्या माहितीच्या आधारे ही कारवाई करण्यात आली. हिरावाडी रोडवरील नंदिनी अगरबत्ती परिसरातील गाळय़ांच्या बाहेरील मोकळय़ा जागी बसून एक तरूण सध्या सुरू असलेल्या आयपीएल २०२० च्या गुजरात विरूध्द दिल्ली या क्रिकेट सामन्यावर बेटींग लावित असल्याची माहिती पोलीसांना मिळाली होती.
त्यानुसार बुधवारी (दि.२४) रात्री पोलीसांनी धाव घेतली असता संशयित उघड्यावर बसून मोबाईलच्या माध्यमातून सामन्याचे थेट प्रेक्षपण बघत बेटींग लावतांना मिळून आला. त्याच्या ताब्यातून मोबाईल रोख रक्कम व जुगाराचे साहित्य असा ५ हजार ५०० रूपये किमतीचा ऐवज हस्तगत करण्यात आला असून, अधिक तपास हवालदार कैलास शिंदे करीत आहेत.
