नाशिक (इंडिया दर्पण वृत्तसेवा)- पाणी मागण्याच्या बहाण्याने घरात घुसलेल्या एकाने महिलेचा विनयभंग केल्याची घटना समोर आली आहे. याप्रकरणी पंचवटी पोलीस ठाण्यात गुन्हा दाखल करण्यात आला असून पोलीस संशयिताचा शोध घेत आहेत.
ईश्वर मरलीधर सोनवणे (४० रा.त्रिकोणी बंगला,साईनगर) असे संशयिताचे नाव आहे. याबाबत पीडितेने दिलेल्या फिर्यादीत म्हटले आहे की, मंगळवारी (दि.२३) दुपारच्या सुमारास ही घटना घडली. महिला घरात एकटी असतांना संशयिताने हे कृत्य केले.
पिण्यासाठी पाण्याची मागणी करून संशयिताने पीडितेच्या घरात प्रवेश केला. यावेळी महिला पाणी घेण्यासाठी स्वयंपाक घरात गेली असता संशयिताने तिचा विनयभंग केला. अधिक तपास उपनिरीक्षक देवरे करीत आहेत.
