नाशिक (इंडिया दर्पण वृत्तसेवा)– झोडगे गावाजवळ झालेल्या ईनोव्हा कारच्या भीषण अपघातात जयश्री संदीप नेरकर (४५) यांचे निधन झाल्याची दुर्दैवी घटना घडली. या अपघात पती संदीप दगडू नेरकर (५१) मुलगा मानस नेरकर (२३) मुलगी तनुजा नेरकर (१८) हे जखमी झाले आहे. त्यांना मालेगाव येथील खासगी रुग्णालयात उपचारसाठी दाखल करण्यात आले आहे.
या अपघात बेंद्रेपाडा फाटा जवळ झोडगे शिवारातील हाँटेल निवांत समोर सकाळी साडेसहा वाजता झाला. या ठिकाणी कंटेनरला मागून धडक दिल्याने ही घटना घडली. कंटनेरचा वेगाच्या अंदाजन न आल्याने हा अपघात झाला.
नाशिक येथील उद्योजक संदीप नेरकर हे आपल्या परिवारासह दोन दिवसांपूर्वी देवदर्शनासाठी पत्नी व दोन मुलांसमवेत उज्जैन येथील महाकालेश्वरच्या दर्शनासाठी गेले होते. येते दर्शन घेऊन नाशिककडे येत असतांना हा अपघात झाला. या अपघातात शेजारी बसलेले वाहन चालक ज्ञानेश्वर नेश्वर हातळकर यांना किरकोळ दुखापती झाली आहे. वाहन चालवून थकलेले वाहन चालक ज्ञानेश्वर हाताळकर यांना विश्रांती देऊन संदीप नेरकर यांनी चालवण्यासाठी घेतली होती. त्यावेळेस हा अपघात झाला. अपघात होताच गाडीच्या दोन इअर बॅग उघडल्याने मोठ्या संकटातून गाडीतील प्रवासी बचावले.
