नाशिक (इंडिया दर्पण वृत्तसेवा) – शहरात वेगवेगळया भागात पार्क केलेल्या तीन दुचाकी चोरीला गेल्याच्या घटना घडल्या आहे. त्यात उपनगर हद्दीतील दोन चोरीच्या घटनांचा समावेश आहे. याबाबत आडगाव व उपनगर पोलीस ठाण्यात वेगवेगळे गुन्हे दाखल करण्यात आले आहेत.
पहिली घटना आनंदनगर भागात घडली. मनोहर यशवंत रणधीर (रा.अक्षरधारा सोसा.आनंदनगर,उपनगर) यांनी याबाबत फिर्याद दिली आहे. रणधीर यांची एमएच १५ ईक्यू ६७३७ ही पल्सर दुचाकी गेल्या शुक्रवारी (दि.१९) रात्री घराच्या पार्किंगमध्ये लावलेली असतांना चोरट्यांनी ती पळवून नेली. तर दुस-या घटनेत नाशिक पुणे रोडवरील सम्यक शिरीष सरोदे (रा.विध्यांचल अपा.बोधलेनगर) यांची एमएच २० एफसी ५५९१ पल्सर मोटारसायकल गेल्या शुक्रवारी (दि.१२) रात्री त्यांच्या सोसायटीच्या पार्किंग मध्ये लावलेली असतांना ती चोरट्यांनी चोरून नेली. दोन्ही गुह्यांबाबत उपनगर पोलस ठाण्यात वेगवेगळे गुन्हे दाखल करण्यात आले असून अधिक तपास हवालदार पवार करीत आहेत.
तिसरी घटना अमृतधाम परिसरात घडली. येथे राहणा-या सिमा शरद गायकवाड (रा.अग्निशामक इमारत,सावतानगर) यांची एमएच १५ एचव्ही ३३७४ अ‍ॅक्टीव्हा गेल्या शुक्रवारी (दि.१९) रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी चोरून नेली. याबाबत आडगाव पोलीस ठाण्यात गुन्हा दाखल करण्यात आला असून अधिक तपास हवालदार जाधव करीत आहेत.
