पुणे (इंडिाय दर्पण वृत्तसेवा) – पुणे जिल्ह्यातील मुठा गावात पोलिस आणि गुन्हेगारात सिनेस्टाईल पाठलाग करत नव्या उर्फ नवनाथ नीलेश वाडकर (वय १८) या कुख्यात गुंडाला गजाआड केले आहे. पाठलाग सुरू असतानाच वाडकरने पोलिसांच्या दिशेने एक गोळी झाडली. पोलिसांनीही स्वसंरक्षणार्थ प्रत्युत्तरादाखल वाडकरच्या दिशेने तीन गोळ्या झाडल्या. या चकमकीतही त्याने पळून जाण्याच्या प्रयत्न केला; मात्र पोलिसांनी त्याला ताब्यात घेतले
नवनाथ हा सराईत गुन्हेगार असून त्याच्यावर खंडणी, खुनाचा प्रयत्न याबाबतचे गुन्हे दाखल आहेत. गेल्या काही दिवसांपासून तो फरार होता. नवनाथच्या मागावर पोलिस पथके होती. नव्या मुळशी तालुक्यातील मुठा परिसरात असल्याची माहिती पोलिसांना मिळाल्यानंतर गुन्हे शाखेचे खंडणीविरोधी पथक त्याला पकडण्यासाठी गेले. त्याने पळून जाण्याचा प्रयत्न केला. त्यानंतर पोलिसांनी पाठलाग करुन त्याला गजाआड केले. त्यावेळी गोळ्यांचा थरारही झाला..
