नाशिक (इंडिया दर्पण वृत्तसेवा) -उघड्या खिडकीत हात घालून चोरट्यांनी झोपी गेलेल्या महिलेच्या गळयातील सोनसाखळी लांबविल्याची घटना नाशिकरोड येथील चव्हाण मळा भागात घडली. याप्रकरणी उपनगर पोलीस ठाण्यात चोरीचा गुन्हा दाखल करण्यात आला आहे.
मिरा हिरामण गायकवाड (७४ रा.ए साफल्य, के जी मेहता हायस्कूल रोड पंचशिल हौ.सोसा.चव्हाण मळा) यांनी याबाबत फिर्याद दिली आहे. गायकवाड रविवारी (दि.२१) दुपारी नेहमी प्रमाणे आपल्या घरातील बेडरूममध्ये झोपलेल्या असतांना ही घटना घडली. अज्ञात चोरट्यांनी बेडरूमच्या खिडकीत हात घालून पलंगावर झोपलेल्या गायकवाड यांच्या गळयातील सुमारे ९५ हजार रूपये किमतीची सोनसाखळी हातोहात लांबविली. अधिक तपास जमादार माळोदे करीत आहेत.
जुन्या वादाची कुरापत काढून बेदम मारहाण
नाशिक (इंडिया दर्पण वृत्तसेवा) – अमरधाम रोड भागात जुन्या वादाची कुरापत काढून टोळक्याने एकास बेदम मारहाण केल्याची घटना घडली. या घटनेत धारदार शस्त्राने वार करण्यात आल्याने सदर व्यक्ती जखमी झाला असून याप्रकरणी भद्रकाली पोलीस ठाण्यात गुन्हा दाखल करण्यात आला आहे.
प्रथ विनोद शहरकर (रा.नाशिकरोड) व त्याचे साथीदार अशी गुन्हा दाखल करण्यात आलेल्या संशयितांची नावे आहेत.
याबाबत संदिप माधवराव बेढे(रा.भोरमळा,आढा रोड ) यांनी फिर्याद दिली आहे. बेढे रविवारी (दि.२१) जुने नाशिक भागात आले होते. अमरधामरोडवरील साईबाबा मदिर भागातून जात असतांना ही घटना घडली. संशयितासह त्याच्या साथीदारांनी बेढे यांना गाठून जुन्या वादाची कुरापत काढत लाथाबुक्यांनी बेदम मारहाण केली. या घटनेत धारदार शस्त्राने त्यांच्यावर वार करण्यात आल्याने ते गंभीर जखमी झाले असून अदिक तपास हवालदार यु.पी.पवार करीत आहेत.
