नाशिक (इंडिया दर्पण वृत्तसेवा) – राजीवनगर झोपडपट्टी भागात दुचाकीस अज्ञात वाहनाने धडक दिल्याने डबलसिट प्रवास करणा-या १४ वर्षीय मुलाचा मृत्यू झाला. याबाबत इंदिरानगर पोलीस ठाण्यात मृत्यूची नोंद करण्यात आली आहे.
संमीहन प्रसाद पत्की (१४ रा.सनसाईज रो हाऊस,कलानगर) असे मृत मुलाचे नाव आहे. पत्की शुक्रवारी (दि.१९) रात्री दुचाकीवर पाठीमागे बसून डबलसिट प्रवास करीत असतांना हा अपघात झाला. गोविंदनगरकडून इंदिरानगरच्या दिशेने जाणा-या दुचाकीस पाठीमागून भरधाव आलेल्या अज्ञात वाहनाने धडक दिली.
या अपघातात संमीहन पत्की याच्या पायास व पोटास गंभीर दुखापत झाली होती. वडिल प्रसाद पत्की यांनी त्यास तात्काळ जिल्हारूग्णालयात दाखल केले असता वैद्यकीय सुत्रांनी मृत घोषीत केले. अधिक तपास जमादार साळी करीत आहेत.
