नाशिक (इंडिया दर्पण वृत्तसेवा)- नाशिकरोड परिसरातील जेतवननगर झाडावरून पडल्याने ४७ वर्षीय व्यक्तीचा मृत्यू झाला. याप्रकरणी उपनगर पोलीस ठाण्यात मृत्यूची नोंद करण्यात आली आहे. यतिन वासूदेव खर्डे (रा.वनसाया बिल्डींग,जेतवननगर) असे मृत व्यक्तीचे नाव आहे.
खर्डे शुक्रवारी (दि.१९) दुपारी आपल्या घर परिसरातील इमारतीच्या आवारात असलेल्या रामफळाच्या झाडावर चढले असता ही घटना घडली. फळे तोडत असतांना अचानक फांदी तुटल्याने ते जमिनीवर कोसळले होते. या घटनेत छातीस व डोक्यास मार लागल्याने त्यांच्या नाका तोंडातून व कानातून रक्तश्राव झाला.
कुटुंबियांनी त्यांना तात्काळ नजीकच्या मॅग्नम हॉस्पिटल येथे दाखल केले असता उपचार सुरू असतांना वैद्यकीय सुत्रांनी मृत घोषीत केले. अधिक तपास पोलीस नाईक बोडके करीत आहेत.
