नाशिक (इंडिया दर्पण वृत्तसेवा)- पोलीस स्टेशन समोर दोन गट एकमेकांमध्ये भिडल्याने तुंबळ हाणामारी झाली. पोलीसांनी वेळीच धाव घेतल्याने अनर्थ टळला असून, याप्रकरणी मुंबईनाका पोलीस ठाण्यात एकमेकांमध्ये झुंज करतांना मिळून आलेल्या नऊ जणांविरोधात गुन्हा दाखल करण्यात आला आहे.
साहिल अस्लम पठाण, इम्रान अस्लाम पठाण (रा.दोघे वडाळागाव), दानिश खान मुस्ताक (रा.बागवानपुरा),सैजाद मेमुद काजी (रा.गंजमाळ),जुनैद खाजा मोंडे(रा.वडाळागाव),मुस्तफा अकउद्दीन बोहरी (रा.टाकळीरोड),अक्रम शमीम पठाण (रा.वडाळागाव),मोहम्मद रमीजएम खान (रा.बागवानपुरा) व हुसेन खुदबुद्दीन टिनवाला (रा.टाकळीरोड) अशी गुन्हा दाखल करण्यात आलेल्या संशयितांची नावे आहे.
संशयित बुधवारी (दि.१७) मुंबईनाका पोलीस ठाण्यात समोर अज्ञात कारणातून एकमेकांमध्ये झुंज करतांना मिळून आले. याप्रकरणी अंमलदार चिदानंद बोरसे यांनी फिर्याद दिली असून अधिक तपास जमादार शेख करीत आहेत.
