मुंबई (इंडिया दर्पण वृत्तसेवा) – राज्यातील लोकसभा निवडणुकीच्या पहिल्या टप्प्यातील पाच मतदार संघांमध्ये शुक्रवारी शांततेत मतदान पार पडले असून पहिल्या टप्प्यातील एकूण पाच मतदार संघात सायंकाळी ६ वाजेपर्यंत अंदाजे सरासरी ६०.२२ टक्के मतदान झाले असल्याची माहिती मुख्य निवडणूक अधिकारी कार्यालयामार्फत देण्यात आली.
पहिल्या टप्प्यातील एकूण ५ लोकसभा मतदारसंघनिहाय मतदानाची टक्केवारी पुढीलप्रमाणे : ९-रामटेक ५८.५० टक्के, १०-नागपूर ५३.७१ टक्के, ११-भंडारा- गोंदिया ६४.०८ टक्के, १२-गडचिरोली- चिमूर ६७.१७ टक्के आणि १३- चंद्रपूर ६०.०३ टक्के.
नागपूरमध्ये विकास कामांबाबत आघाडीवर असतांना या ठिकाणी सर्वाधीक कमी मतदान झाले. तर नक्षलवादींच्या विरोधाला न जुमानता गडचिरोलि व चिमूर मतदार संघात सर्वाधिक ६७,१७ मतदान झाले.
