नाशिक (इंडिया दर्पण वृत्तसेवा)- सिडको भागात महिलेच्या घरात घुसून एकाने मारहाण करीत विनयभंग केल्याची घटना घडली. याप्रकरणी अंबड पोलीस ठाण्यात गुन्हा दाखल करण्यात आला आहे.
पोलीसांनी दिलेल्या माहितीनुसार मधुकर दराडे (रा.शिवशक्तीचौक त्रिमुर्ती चौक) असे गुन्हा दाखल करण्यात आलेल्या संशयिताचे नाव आहे. पीडितेच्या तक्रारीवरून गुरूवारी (दि.१८) ही घटना घडली.
महिला घरात एकटी असतांना संशयिताने घरात घुसून तिला शिवीगाळ व दमदाटी करीत मारहाण केली. या घटनेत महिलेचा विनयभंग करण्यात आला असून अधिक तपास उपनिरीक्षक उंडे करीत आहेत.
