नाशिक (इंडिया दर्पण वृत्तसेवा)- भारतनगर भागात दारु पिण्यासाठी पैसे दिले नाही या रागातून तरूणाने एकास इमारतीच्या पहिल्या मजल्यावरून ढकलून दिल्याची घटना घडली. या घटनेत सदर व्यक्ती जखमी झाला असून याप्रकरणी मुंबईनाका पोलीस ठाण्यात गुन्हा दाखल करण्यात आला आहे.
मोहसीन इमान शेख (३० रा.भारतनगर) असे गुन्हा दाखल करण्यात आलेल्या संशयिताचे नाव आहे. याबाबत इब्राहीम इनायत खान (रा.महात्मा फुले गार्डन जवळ,महाराणा प्रताप चौक,सिडको) यांनी फिर्याद दिली आहे. खान बुधवारी (दि.१७) दुपारी भारतनगर भागात राहणा-या नातेवाईकांकडे गेले होते. नातेवाईकांना भेटून ते इमारतीच्या पाय-या उतरत असतांना ही घटना घडली.
जिन्यात भेटलेल्या शेख याने खान यांच्याकडे दारू सेवन करण्यासाठी पैश्यांची मागणी केली. खान यांनी त्यास पैसे नसल्याचे सांगताच संतप्त संशयिताने त्यांना पहिल्या मजल्यावरून ढकलून दिले. या घटनेत खान जखमी झाले असून अधिक तपास हवालदार म्हैसधुणे करीत आहेत.
