इंडिया दर्पण ऑनलाईन डेस्क
अभिनेत्री शिल्पा शेट्टी आणि तिचा पती राज कुंद्रा यांची मालमत्ता ईडीने जप्त केली आहे. याबाबत ईडीने माहिती दिली असून त्यात म्हटले आहे की, पीएमएलए, २००२ च्या तरतुदींनुसार रिपू सुदान कुंद्रा उर्फ राज कुंद्रा यांच्या मालकीची ९७ कोटी ७९ लाख रुपयांची स्थावर आणि जंगम मालमत्ता तात्पुरती जप्त केली आहे. संलग्न मालमत्तांमध्ये जुहू येथे असलेल्या निवासी फ्लॅटचा समावेश आहे जो सध्या श्रीमती शिल्पा शेट्टी यांच्या नावावर आहे. राज कुंद्रा यांच्या नावावर पुणेस्थित निवासी बंगला आणि इक्विटी शेअर्स आहेत.
लोकांना गुंतवणुकीच्या बदल्यात १० टक्के परतावा दर महिन्याला देण्याचे आमिष दाखवून मोठा बिटकॅाइन घोटाळा केल्याचा आरोप राज कुंद्रावर लावण्यात आला आहे. बिटकॅाइन प्रकरणात फायदा करवून घेऊन राज कुंद्रा १५० कोटीच्या फायद्यात असल्याचे ईडीचे म्हणणे आहे. याप्रकरणात ही कारवाई ईडीने केली आहे.
