नाशिक (इंडिया दर्पण वृत्तसेवा)- पाथर्डी शिवारातील मोंढेनगर भागात राहणा-या २७ वर्षीय तरूणाने गळफास घेऊन आत्महत्या केली. युवकाच्या आत्महत्येचे कारण समजू शकले नाही. याबाबत इंदिरानगर पोलीस ठाण्यात मृत्यूची नोंद करण्यात आली आहे.
समाधान जानकिराम पाटील (रा.शिवनेरी रो हाऊस मोंढेनगर) असे मृत युवकाचे नाव आहे. समाधान पाटील याने मंगळवारी (दि.१६) सायंकाळच्या सुमारास आपल्या राहत्या घरात हॉलमध्ये पंख्यास दोरी बांधून गळफास लावून घेतला होता. त्यात त्याचा मृत्यू झाला याबाबत ऋतिक इंगळे यांनी खबर दिल्याने पोलीस दप्तरी मृत्यूची नोंद करण्यात आली असून अधिक तपास हवालदार गांगुर्डे करीत आहेत.
